Linden Cooke Translation
Linden Cooke
Dip. Adult Psychotherapy, Dip. Counselling, Bachelor of Arts (Psych), Bachelor of Physical Education.
ko wai ahau
He Kaiwhakaora Hinengaro kua Rēhitatia, ā, he mema o te Huinga Kaiwhakaora Hinengaro o Aotearoa.
Kua oti i a au te tohu pōkairua Kaiwhakaora Hinengaro Pakeke i te Tauira Kōrerorero, me tētahi pōkairua Kaitohutohu mō te ara Tohutohu e Aro ana ki te Tangata.
He paetahi ahau o Te Whare Wānanga o Ōtākou e mau ana i tētahi Tohu Paetahi, ko te marau matua ko te Mātai Hinengaro me tētahi Tohu Paetahi Korikori ā-Tinana, ko te marau matua ko te Ako ā-Rēhia.
I tēnei wā he wā kikī, he tūmataiti aku mahi, i muri o te mahi i Te Ratonga Hauora Ākonga i te Whare Wānanga o Ōtākou mō te whitu tau. I mahi hoki ahau i tētahi pokapū tohutohu hapori taiwhenua.
E whakarato tirotiro hoki ana ahau mō ngā kaitohutohu me ngā kaiwhakaora hinengaro.
taku huarahi mahi
Ka whai ahau i te ara whakaute, manaaki, whakarongo hoki. E akiaki ana ahau i te aweko o te tangata ki ōna ake whakaaro me ōna kare ā-roto. E whakapono ana ahau me whai te hauora i te ara whakawhanake hononga e haumaru ai te noho o te tangata ki te matapaki me te tūhura i ngā wāhi katoa i whai wāhi ki te whanaketanga o te āhua o te tangata. Kei roto i ēnei ko ngā hononga ā-taupiri, ā-papori hoki, ngā wheako ā-whānau me ngā whakapono whaiaro.
Ka whakatītina ahau i tētahi hononga haumaru, whirinaki hoki ka whakatairanga i te wete-ako me te ako hou i roto i tētahi kōrerorerotanga i waenganui i te tokorua. Ka hangaia tētahi taiao e whakaputaina ana ngā raru, ka tūhurutia, ka māramatia, ka urutautia hoki i roto i tētahi whitinga kōrero haumanu.
Mēnā e pāmamae ana koe, e hiahia ana rānei ki te panoni i ētahi āhuatanga o tō tauoranga, kaua e ārikarika ki te whakapā mai mō ngā taipitopito wāhi, whakapā hoki.
aku hāora, te roa me te utu
Ka mahi au mai i te Rāhina – Rāmere 10:00 i te ata – 5:00 i te ahiahi, hāunga ngā ata Rāapa; mā te tāputinga anake.
He 50 meneti te roa o ia wātū. Ko te nuinga o ngā kiritaki ka toro mai ia te wiki, ā, mā te mahi tahi ka taea te whakatau āhea mutu ai ngā maimoatanga. Ka mahi takitahi ahau ki ngā kiritaki.
Ko te utu whānui mō ia wātū he $130.00.
Waea: 0272136844
Tēnā whakaurua ō taipitopito whakapā me tētahi karere poto i raro nei, ā, ka ngana ahau ki te whakautu wawe i tō tono.
Please enter your contact details and a short message below and I will try to answer your query as soon as possible.